Pau, lo 19 de junh de 2007

(version en français ci-après)

Tunèl deth Sompòrt e èish E7… gaujós aniversari !

Quinze ans ara qu’èra proclamat « era Crida deth 26 de mai de 1992 ». Ua maquina de guèrra pro-tunèl deth Sompòrt e pro-èish E7 apitada per tot çò qui compta eth Biarn de monde responsables e respectables : era Crampa d’Agricultura, era Crampa de Comèrci e d’Industria, era Crampa deths Mestièrs, era FDSEA, eth CDJA, CFDT Biarn, CFTC, CGC-CGE, CGT-FO, FEN, Union Patronale, Centre des Jeunes Dirigeants. Qu’èran sostienguts peth Joan Lasala, mes tanben eth Andrèu Labarrèra (maire de Pau), Francés Vairon (president deth Conselh Generau deths Pirenèus Atlantics) Mikel Insauzpe (deputat), Joan Pèir Forgerit (Director Departamentau der Equipament deths PA), Gui Labruish (president dera Coop de Pau) e un sarròt de monde autes, eths tanben responsables e respectables.

Quinze ans arron quasi dia per dia, eth 6 de junh de 2007, l’anniversari dera « Crida deth 26 de mai de 1992 » qu’estó dignament hestejada en Vath d’Aspa : un carri que’s destorna e esbarreja milierats de litres de produits toxics ath gave d’Aspa. Qu’ei eth 13au accident de carris desempuish er’ubertura deth tunèl deth Sompòrt.Entà d’estar segur de bohar totas eras candelas, un 14au carri que’s viraboca eth tanben ath gave d’Aspa uns dias arron, eth 14 de junh de 2007.

Un aniversari deths bèths…

Totas eras gents responsables e respectables qu’expliquèn totun que n’i auré pas nat problèma. E qu’apitèn tots eths mejans entà har passar eth projècte e har carar er’oposicion. Tots eths mejans, era violéncia compresa. Brembatz-ve der aucup militar dera Vath o dera milícia qui ataquè era Goutte d’Eau e ahuequè eth sué vagon. Ua milícia en qui arretrobam elegits… reponsables e respectables.

L’oposicion ath èish E7 e ath tunèl deth Sompòrt qu’estó hicada sus eth medish nivèu com un agís de peluts e d’irresponsables. Eras alternativas ara rota ? Era question de saber a qui profieita vertadèrament er èish E7 e eras granas vias de comunicacion rotèra en Euròpa ? Era question der’utilitat sociau deras mercaderias qui circulan sus aqueths carris ? Questions que las gents responsablas e respectablas espartín desdenhosament dera man.

Quinze ans arron dera lor Crida, eth monde responsable e respesctables que pausan questions deras mei importantas : com vam mielhorar aqueth maudit viraplec de Bòrça ?

Quinze ans arron, qu’arrefusan tostemps deliberadament d’atacà’s eth mau ath pè : er èish E7, eth Tunèl deth Sompòrt, er ensemble deras granas vias rotèras en Euròpa que son definidas per ua taula arredona d’industriaus e de financèrs. Que’us hè hrèita rotas adaptadas ara logistica capitalista qui permet aths accionaris d’arrecaptà’s tostemps mei de dividendes.

Quinze ans arron, que persegueishen dab era Transnavarresa, er’autopista Pau-Lengon, en lòc mei qu’ei era Traucada centrau deths Pirenèus devath eth Vinhamala en projècte, eth passatge en hòrça deth TGV peras Valadas Occitanas der Estat italian, etc…
Ath medish moment, qu’ei eth passatge en hòrça deths OGM, der Agro-etanòu, de causidas industriaus e agricòlas qui responen ara sonque logica deth profieit… e rai peras consequéncias.A cade còp, er’oposicion qu’ei denigrada, eras suas questions e
proposicions ignoradas…

Tà Anaram Au Patac qu’ei important de tirar eras leçons deras lutas e deras annadas passadas. Que coneishem eras consequéncias d’aqueras causidas. Que coneishem eras causas d’aqueras causidas. Que devem har convergir eras lutas passadas, actuaus e a vir, en ua logica anticapitalista e anti-autoritària.

N’avem pas era causida, era resisténcia qu’ei ua question de dignitat !

Pau, 19 juin 2007

Tunnel du Somport et axe E7… bon anniversaire !

Il y a quinze ans était proclamé « le Manifeste du 26 mai 1992 ». Une machine de guerre pro-tunnel du Somport et pro-axe E7 mise en place par tout ce que compte le Béarn de gens responsables et respectables : la Chambre d’Agriculture, la Chambre du Commerce et de l’Industrie, la Chambre des Métiers, la FDSEA, le CDJA, CFDT Béarn, CFTC, CGC-CGE, CGT-FO, FEN, Union Patronale, Centre des Jeunes Dirigeants. Ils étaient soutenus par Jean Lassalle, mais aussi André Labarrère (maire de Pau), François Bayrou (président du Conseil Général des Pyrénées Atlantiques), Michel Inchauspé (député), Jean Pierre Forgerit (Directeur Départemental de l´Équipement des PA), Guy Labrux (président de la Coop de Pau) et bien d´autres personnes, toutes aussi responsables et respectables.

Quinze ans après presque jour pour jour, le 6 juin 2007, l´anniversaire du « Manifeste du 26 mai 1992 » a été dignement fêté en Vallée d´Aspe : un camion se renverse et déverse plusieurs milliers de litres de produits toxiques dans le gave d´Aspe. C´est le 13ème accident de camions depuis l´ouverture du Tunnel du Somport. Pour être sûr de bien souffler toutes les bougies, un 14ème camion se renverse lui aussi dans gave d´Aspe quelques jours après, le 14 juin 2007.

Un bien bel anniversaire…

Tous les gens responsables et respectables avaient pourtant bien expliqué qu´il n´y aurait pas de problème. Et ils avaient mis en place tous les moyens pour faire passer le projet et faire taire l´opposition. Tous les moyens y compris la violence. Souvenez-vous de l´occupation militaire de la Vallée ou de la milice qui avait attaqué la Goutte d´Eau et incendié son wagon. Une milice dans laquelle on retrouve des élus… responsables et respectables.

L´opposition à l´axe E7 et au tunnel du Somport était reléguée au rang d´une agitation de peluts et d´irresponsables. Les alternatives à la route ? La question de savoir à qui profite réellement l´axe E7 et les grandes voies de communication routière en Europe ? La question de l´utilité sociale des marchandises qui circulent sur ces camions ? Des questions que les gens responsables et respectables ont écartées dédaigneusement de la main.

Quinze ans après leur Manifeste, les gens responsables et respectables posent des questions bien plus importantes : comment va-t-on améliorer ce maudit virage de Borce ?

Quinze ans après, ils refusent toujours délibérément de prendre le mal à sa racine : l´axe E7, le Tunnel du Somport, l´ensemble des grandes voies routières en Europe sont définies par une table ronde d´industriels et de financiers. Ils ont besoin de routes adaptées à la logique capitaliste qui permet aux actionnaires d´engranger toujours plus de dividendes.

Quinze ans après, ils continuent avec la Transnavarraise, l´autoroute Pau-Langon, ailleurs c´est la Traversée centrale des Pyrénées sous le Vignemale en projet, le passage en force du TGV dans les Valadas Occitanas de l´État italien, etc…En même temps, c´est le passage en force des OGM, de l´Agro-éthanol, de choix industriels et agricoles qui répondent à la seule logique du profit… et tant pis pour les conséquences. A chaque fois, l´opposition est dénigrée, ses questions et propositions ignorées…

Pour Anaram Au Patac il est important de tirer les leçons des luttes et des années passer. Nous connaissons les conséquences de ces choix. Nous connaissons les causes de ces choix. Nous devons faire converger les luttes passées, actuelles et futures, dans une logique anticapitaliste et anti-autoritaire.

Nous n´avons pas le choix, la résistance est une question de dignité !